کونلومون سئوگیلی محبوبی منیم
وطنیم دیر،وطنیم دیر،وطنیم
وطنیم وئردی منه دوزلا چورک
وطنی منجه اونوتماق نه دئمک
آنادیر هر کیشییه اؤز وطنی
بسلییب سینه سی اوسته اونو
سودودور کی دولانیب قانیم اولوب
او منیم سئوگیلی جانانیم اولوب
ساخلارام گؤزلریم اوسته اونو من
اؤله رم الدن اگر گئدسه وطن
وطنین سئومه ین اینسان اولماز
اولسا او شخصیده ویجدان اولماز
دیلیم دیلیم دوغرا قیزیل آلمانی
وئر هر گلن یئسین اوندان بیر دیلیم
اوچ کلمه دیر وارلیغیمی بیلدیرن
بیر آللهیم بیر منلیگیم بیر وطن
