سن اوسان ، منده بویام

سو دئییبدیر منه اولده آنام ، آب کی یوخ

یوخو اؤیرتدی اوشاقلیقدان منه ، خواب کی یوخ

ایلک دفعه کی چوره ک وئردی منه ، نان دئمه دی

ازلینده ن منه دوزدانا ، نمکدان دئمه دی

آنام اختر دئمه ییب دیر منه ، اولدوز دئییب او

سو دوناندا دئمه ییب یخ دی بالا ، بوز دئییب او

قار دئییب ، برف دئمه ییب ، دست دئمه ییب ، ال دئییب او

 منه هئچ واخت بیا سویلمه ییب، گل دئییب او

یاخشی خاطیرلاییرام ، یاز گونو آخشام چاغی لار

باخچانین گون چیخانیندا کی ایلیق گون یاییلار

دئیردی گل داراییم باشینی آی نازلی بالام

گئلمه سن گر ، باجینین آستاجا زولفون دارایام

او دئمه ز دی کی : بیا شانه زنم بر سر تو

گر نیایی بزنم شانه سر خواهر تو